Undrast þarft ei baugabrú

Höf., Guðmundur Guðlaugsson hefur þennan inngang að vísunum sem ortar voru eftir morðin á Illugastöðum: Meðan Agnes var á Stóru-Borg kom Vatnsenda-Rósa eitt sinn þangað og fundum þeirra Agnesar bar saman. Rósa leit alvarlegu, sakfellandi augnaráði á Agnesi, sem var þung á brún en efablandin í svip. Þessar tvær konur höfðu unnað sama manni. Önnur hafði fyrirgefið honum brigðmælgi hans, hin hafði hefnt sín, en báðar þessar konur kunnu að túlka tilfinningar í ljóði.