Giftum manni er voðinn vís

Skr. e. Jóa í Stapa 8. jan. 2016

Fyrir forsetakosningarnar 1980 var hart tekist á um frambjóðendur, en stuðningsmenn Vigdísar Finnbogadóttur fengu inni í kjallaraíbúð við Skagfirðingabraut, í húsi Huldu og Lúðvíks Hjálmarssonar og þar varð stundum heilmikill gestagangur, en Ingi Heiðmar Jónsson kennari framan úr Steinsstaðabyggð stýrði framboðsundirbúningi. Jói í Stapa þurfti um þessar mundir daglega í Krókinn til lækninga vegna vöðvabólgu og þótti góður gestur á Vigdísarstofunni meðan hann beið eftir seinni meðferðinni. Einhverju sinni hringdi Þorsteinn á Varmalandi í skrifstofuna og lauk símtalinu með hvatningarvísu. Jói var snöggur að bæta annarri við:
Meðan takast menn á hér
og margir saknæmt rausa
yfir vaka vil ég þér
Vigdís makalausa.