Harðnar reiðin frjáls og frí

Menn eru hér komnir nokkuð áleiðis inn á heiðina og farnir að láta pela ganga á milli sín. Og það er bætt við ljóðmælin:

Þó að falli frostélin
og fari að halla degi
Ágúst fjallaforinginn
finnur alla vegi.
Ásgrímur Kristinsson á Brekkunni.

Enn um þetta óskaland
ótal perlur skína –
hitti ég fyrir sunnan Sand
sumardrauma mína.
Ásgrímur Kristinsson á Brekkunni.

Nú skal smala fögur fjöll
flokkur valinn skatna.
Hlaupa alin hófa tröll
hratt fram dalinn vatna.
Valdi   MEIRA ↲

Menn eru hér komnir nokkuð áleiðis inn á heiðina og farnir að láta pela ganga á milli sín. Og það er bætt við ljóðmælin:

Þó að falli frostélin
og fari að halla degi
Ágúst fjallaforinginn
finnur alla vegi.
Ásgrímur Kristinsson á Brekkunni.

Enn um þetta óskaland
ótal perlur skína –
hitti ég fyrir sunnan Sand
sumardrauma mína.
Ásgrímur Kristinsson á Brekkunni.

Nú skal smala fögur fjöll
flokkur valinn skatna.
Hlaupa alin hófa tröll
hratt fram dalinn vatna.
Valdi Kam.

Heimabandi heftur er
Hörpu vanda slögin.
Ég í anda aðeins fer
yfir Sand í Drögin.
Björn S. Blöndal.
Hann komst ekki í göngur þetta haust, var löngum heimilisfastur í Grímstungu hjá Lárusi Björnssyni húsbónda, sem hann jafnan nefndi svo.
Drögin eru Fljótsdrög en Sandur er Stórisandur.

Skráð eftir Hallgrími Guðjónssyni bónda í Hvammi f. 1919.
    ↑ MINNA