Ó þú ormr hringlagði

1895 23.1

1895  23.1 Í þætti af Ólafi sýslumanni klaka segir Valdimar ritstjóri Fjallkonunnar frá Teiti sem fórst í leiðangri eftir rekaviði á Strandir 1728, en viðinn rak allt vestur á Rauðasand: Halldóru Teitsdóttur fékk Ólafur sýslumaðr Árnason prests í Hvítadal í Saurbæ Jóns sonar prófasts Lofts sonar. Hafði Árni prestr fengið Saurbæjarþing eftir föður sinn; varð hann fyrst auðugur mjög og keypti jarðir, enn lógaði þeim aftur í drykkjusvalli og annarri óreiðu; misti síðan kjól og kall fyrir illar framferðir við sóknarmenn sína 1723. Kona hans var   MEIRA ↲

1895  23.1 Í þætti af Ólafi sýslumanni klaka segir Valdimar ritstjóri Fjallkonunnar frá Teiti sem fórst í leiðangri eftir rekaviði á Strandir 1728, en viðinn rak allt vestur á Rauðasand: Halldóru Teitsdóttur fékk Ólafur sýslumaðr Árnason prests í Hvítadal í Saurbæ Jóns sonar prófasts Lofts sonar. Hafði Árni prestr fengið Saurbæjarþing eftir föður sinn; varð hann fyrst auðugur mjög og keypti jarðir, enn lógaði þeim aftur í drykkjusvalli og annarri óreiðu; misti síðan kjól og kall fyrir illar framferðir við sóknarmenn sína 1723. Kona hans var Ingibjörg, laundóttir Magnúsar lögmanns Jónssonar og var Ólafur þeirra son. Það er eitt með öðru talið með illu framferði Árna prests, að á jóladaginn var það í kirkju að Staðarhóli, að hann var svo ær af brennivíni, að meðhjálparinn sótti hann upp í stólinn og leiddi hann ofan á kórgólfið; er þá sagt, að prestur yrði svo reiðr, að hann tók tvær flöskur sína úr hvorum hempuvasa og sló þeim saman, svo brotin hrutu víðsvegar, enn brennivínið skvettist um allan kórinn. Síðan barði hann fjórar konur í innsta sætinu og rak allt fólkið út úr kirkjunni. Var honum þá vikið frá embætti af Jóni biskupi Árnasyni; tók hann þá ærsl og lifði þannig nokkur ár; eyddist þá fé hans. Þá bjó Ormur sýslumaðr Daðason í Fagradal innri; átti hann Hvol og tók að veita Árna presti ágang. Tók hann þá, undan Hvítadal engi það, er nú er kailað kirkjuengi, enn Árni prestur mátti ekki að hafast. Orti þá Árni níð um Orm og er þetta upphaf að:
Ó þú ormr hringlagði
með allskyns vélabragði,
þú stalst mínu engi
undir þinn Hvol svo lengi.
    ↑ MINNA