Mál er að gana

Manndauði á Kaldrana
Sá atburður var fyrir mörgum árum að komið var á baðstofuglugga í Höfnum á Skaga einn morgun áður en menn risu þar úr rekkju og kveðin stakan. Menn brugðu skjótt við í Höfnum og fóru út eftir. Fannst þá barnið lifandi í vöggunni en huldukonan sást í svip fara frá bænum og út í hól þann er Barnhóll er nefndur; hann er fyrir utan túnið á Kaldrana. Allir heimamenn aðrir lágu dauðir, hver í sínu rúmi. Var það ætlun manna að fólk þetta mundi um daginn áður hafa veitt silung í vatni því er Múlavatn heitir og skilur lönd Kaldrana og Víkna, því sú er trú manna að í þessu vatni sé sá silungur er öfuguggi er nefndur, mjög banvænn, en engin veiði önnur.
Jón Árnason Þjóðsögur