Játning til flutnings við eigin gröf

Þegar lífs míns göngu líkur hér
Ijúft mér vœri að þú fylgdir mér
til hinstu hvílu í mœðra og feðra fold
og flyttir bæn við grafarinnar mold.

Að Lykla-Pétur Ijúki upp himna hlið
og heimili mér þar dvöl er þess ég bið
og Jesús sem ég kalla bróður minn,
mig kœrleiksríkum taki í faðminn sinn.

Í Pétursbók minn syndalisti er
sjálfsagt mjög svo langur því er ver
og alltof lítið lagt hef ég þar inn
svo lakan sé ég reikningsjöfnuðinn.

Dauða mínum kvíði ég ei hót
ég held mig beri þá á vegamót
og Jesús Kristur kenni mig að finna
sinn kœrleiksveg til föðurhúsa sinna.

Ég vona að drottinn fyrirgefi mér
öll flónskuverk sem unnið hef ég hér
og Kristur hefur syndabagga minn
á sínar herðar tekið það ég finn.

Hann sagði við hinn syndumspillta mann
sem á krossi píndur var sem hann
en iðrast hafði og herrans kraftaverk
hafði séð, og drottins kœrleik merkt.

Sannarlega ég segja vil nú þér
seinna í dag þú vera skalt með mér
í paradís með drottni alls sem er
og þín synd er fyrirgefin þér.

Að lokum vil ég óska Íslandsþjóð
að eignast megi hún gildan varasjóð
að drengskap Kolskeggs dirfsku, þori og dug
en dekri og prjáli og svikum vísi á bug.