Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Fundargjörð 1944

Fyrsta ljóðlína:Seint í júní svo til bar
Viðm.ártal:≈ 1950
1.
Seint í júní svo til bar
svoddan gleymist eigi.
Haldinn fundur hérna var
harla seint á degi.
2.
Seggir hingað sóttu þá.
Sjötti vikudagur.
okkur taldist öllum hjá
yndislega fagur.
3.
Mánaðardaginn man ég vel
mun hann svo fram bera.
Þrír svo átta og tíu tel
þá tölu rétta vera.
4.
Nítján hundruð ártal er
átján við og níu.
Einnig við það auka ber
árum sjö og tíu.
5.
Fundinn setti formaður
flutti mál að vonum.
Einn að nafni Ólafur
alveg nýr með honum.
6.
Kom á fund í félagið
fljótt svo ganga náði.
Alltaf fjölgar okkar lið
aldrei deyr af láði.
7.
Sonur Halldórs sagður er
seggur hvergi dapur.
Okkur fagna öllum ber
eflist félagsskapur.
8.
Mál sem ræða þurfti þá
þurrkaði burtu gaman.
Brunnið hafði bónda hjá
bær með öllu saman.
9.
Félagsmanna hópur hér
hugðist hjálp að veita.
Aðra styrkja okkur ber
öllum mætti beita.
10.
Margir ætla lið að ljá
létta bónda skaða.
Byggja aftur honum hjá
hús með skyndi hraða.
11.
Mál svo ræða annað á
alveg sleppum hinu.
Höfðu bréfið hérna frá
héraðssambandinu.
12.
Bréfið okkur minna má
á málið íþróttanna.
Seggir allir saman þá
sína hreysti kanna.
13.
Enn var rætt um íþróttir
allir málin bæta.
Úr svo rætist öllu fyr
æskulýðinn kæta.
14.
Einnig sagt var öllum frá
okkar fánaleysi.
Höfuðstaður hirti þá
hundsa sveita hreysi.
15.
Stýrði fundi formaður
fleira ræddum ekki.
Ritarinn var ringlaður
rekkinn trúi að þekki.
16.
Hann er langur horaður
haldinn geði þungu.
Getinn Oddi Guðmundur
geymir bú í Tungu.