Sálmur

Guðs elska kom frá himni hér til jarðar,
og hjá oss birtist fylling sinni í,
er Jesús fæddist, í jötukofa hjarðar,
en jólaljósið gyllti himinský.

Með friðþægingar-fórn, og kærleik sönnum,
og fullkomlega helgu lífi hér,
hann æðstan fögnuð færði öllum mönnum,
— þann fögnuð sem um eilífð aldrei þver.

Og fyrr en aftur upp til himins hafinn,
og hér á jörð fullkomnað hvert hans skref,
í upprisunnar undra ljóma vafinn,
hann orð þau mælti: „Eg frið minn yður gef.„

Krists Jesú elska. fögnuður og friður
nú fái að ríkja hjá oss þessi jól;
og í lífi voru leggi’ ei völdin niður
unz lífs vors hnígur hinzta dagsins sól.