Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Kveldúlfur

Fyrsta ljóðlína:Atalt traustu taki
Heimild:Nökkvar og ný skip bls.49
Viðm.ártal:≈ 1925
1.
Atalt traustu taki
teygir lopann vinda hönd
skýjaróts úr skvaki
skyggnist sólin yfir lönd.
Blökkum rúnum ristir
ránarfeldinn storma-egg
póll úr poka hristir
puntaskelfi, hregg.
2.
Höm í hríðarbakkann
hokið setur jöklastóð
kembir kaldan makkann
Kári geyst um Heljarslóð.
Rastir eru á reiki
róminn brýna strendur við
stíga faldafeyki
fram um opin svið.
3.
Kvöldið hröðum höndum
hleður úrgan skuggavegg.
Syngur Rán á söndum
svipum fjöllin tyftir hregg.
Óbyggt landið eygir
aðvífandi Norðra drótt.
Úr tröllapípum teygir
tóna marga nótt.
4.
Skalla í öldur ota
errið löngum Reykjanes
ránardætur rota
ramar þulur yfir les.
Svalt er enn á seltu
sést þar skip í kófi þó
sem í vosi og veltu
veður Faxasjó.
16.
Berst í báruskvaldri
beint að landi kistufjöl
knúð af kynngigaldri
keyrð með rögg um djúpin svöl.
Hamlar gjálp og grandi
glíkt og fljúgi af boga teinn . . .
Leggur þar að landi
landnámsmaður einn.