Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Kveðja til söngfélaga

Fyrsta ljóðlína:Í vetur var kveljandi kuldi
Viðm.ártal:≈ 2000
1.
Í vetur var kveljandi kuldi
þá kaffærðist landið í snjá.
Og svartnætti sveitina huldi
en sólskin var hvergi að fá.
Í skammdegisharðindum þungum
í hörku og æðandi byl
komum við saman og sungum
því söngurinn veitti okkur yl.
2.
Við sungum um sólskin og yndi
um söngfugl, er kvakaði í mó
um fannhvíta fljúgandi svani
um friðinn í heiðanna ró.
Um lindina blikandi bjarta
um blóm, er í moldinni grær.
Það færði okkur fögnuð í hjarta
það flutti okkur sumrinu nær.
3.
Í söngnum því saman við lifum
í sólvermdum gróandi heim.
Á titrandi tónum við svífum
um töfrandi stjarnanna geim.
En svo fer vor söngur að þagna
þó sálinni veitti hann fró
því sumrinu senn munum fagna
og söngfugli, er kvakar í mó.