Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Muna-blik I – Tileinkað konu minni.

Fyrsta ljóðlína:Ég geymi í anda myndir af ljúflingum ljósum
Heimild:Húnavaka
Viðm.ártal:≈ 1975
1.
Ég geymi í anda myndir af ljúflingum ljósum,
er léku sér um völlinn, í hlýrri morgunsól.
í daggar-perlu-skrúða þeir dönsuðu á rósum,
með draumsóley og fjólu í nýjum sumarkjól.
2.
Fuglar leiddu dansinn, þeir sungu vikivaka.
Vorgyðjan var dásamleg hverja morgunstund.
Svásu gömlu myndirnar boða ég til baka,
bið þær koma ferskar í minninganna lund.
3.
Meðan lífið svarar og von í veiku hjarta,
vaxa blóm um grundir, og sólin gyllir fjöll,
ég kvíði eigi vetri, þá kemur nóttin svarta,
ég kalla æskuvorin í drauma minna höll.
4.
Í æfintýraheimi var alin æskusaga,
þá aldingarður lífsins í vorsins blóma stóð.
Nú löngu grafið minni um ýmsa dapra daga.
í Dvalins salarkynnum, ég móta þetta ljóð.
Seinasta sunnudag í vetri 1974.