Vor á Rifstanga

Vekur von af blundi
vorsins mildi kliður.
Hér er heilagt næði
hjartans ró og friður.
Fegra er hvergi á Fróni
fegri er enginn draumur.
Fallast hér í faðma
fold og lagar straumur.

Helgar vættir vaka
og vernda þetta svæði.
Ljóssins álfar leika
lög við ástarkvæði.
Fuglar söngva syngja
sælir draum sinn ljóða.
Þakka allt í eining
alföðurnum góða.

Hérna við heimskautsbauginn
í helgidóm norðurslóða.