Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Heiti vantar

Fyrsta ljóðlína:Fjöllin standa föl og nakin
Viðm.ártal:≈ 1925
Flokkur:Náttúruljóð
Fjöllin standa föl og nakin
færð úr björtum sumarskrúða.
Þeim ég krýp í þöglri lotning
þvegnum upp úr báruúða.
Nú liggja gömlu bændabýlin
bleik og vafin hvítri sinu.
Sú ljúfa þrá, sem lífið elur
leitar heim að upphafinu.

Horfi ég inn í Hornvíkina
sé Hælavíkurbjargið standa
eins og hamravígi í vestri
varnargarður ystu stranda.
Frá árdögum til okkar daga
á því hafa stormar dunið
og Ægir greitt sín áhlaup neðra –
ekki hefur bjargið hrunið.