Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Að ferðalokum

Fyrsta ljóðlína:Hálfur máni
Heimild:Ljóð af tvennum toga bls.60-63
Viðm.ártal:≈ 1975
1.
Hálfur máni
yfir Húsadal
glottir grimmt og kalt
skopast hann að okkur
skemmtireisu
um landið þvers og langs.
2.
Stal ég hjá þér kossi
stúlkutetur
lengst inn í Langadal,
í bræði þú ypptir
brún plokkaðri
farvaða fýldir grön.
3.
Skalf ég við hlið þér
hjá Skógafossi
langa og leiða nótt,
illa var ég svikinn
á yli þínum,
þvílíkt og annað eins.
4.
Kembdi ég þér hærur
við Kúðafljót
fast og freklega,
gaukaði þá að mér
gervibrosi
máluð meyjarvör.
5.
Hímdum við í tjaldi
á Hveravöllum,
sífraðir þú um svengd,
fleygði ég í fússi
flatkökuparti
í þig, ástin mín.
6.
Kroppuðum við af rifi
á Kaldadal,
hugðum hangikjöt vera,
drukkum við úr brúsa
daunillt og rammt
Kaabers-kaffi með.
7.
Ók ég þér í jeppa
um Uxahrygg,
sóttist seint ferðin,
blés ég úr leiðslum
bensínstíflu
á stundarfjórðungs fresti.
8.
Blésum við í sönglúðra
í Bjarkarlundi,
gjörðist mikill gnýr,
blíða blómálfa,
ljúfa ljósálfa
ærði okkar píp.
9.
Elduðum við súpu
í Atlavík,
brann brasið við,
samt við það átum
af sama diski,
höfðum skel fyrir skeið.
10.
Dró ég yfir haus þér
á Dynjandisheiði
ljóta lopapeysu,
skýldi þá hið neðra
skrokki þínum
forljótt föðurland.
11.
Blés ég þér upp vindsæng
í Vaglaskógi,
tróð töppum í göt,
háttaðir þú og snérir
hrygglengjunni
miskunnarlaus í mig.
12.
Skorpna flatkökur,
franskbrauð myglar,
kasúldnar kjöt og egg,
en þvermóðskunni
í þínu hjarta
vinnur ekkert á.
13.
Lokið er okkar
landshornaflakki,
ei var för til fjár,
kneyfað er koníak,
sopinn sénever
lapin spíralögg.