Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Í túnfætinum

Fyrsta ljóðlína:Líttu út í góða veðrið
Heimild:Ljóð af tvennum toga bls.21
Viðm.ártal:≈ 1975
1.
Líttu út í góða veðrið
litli vinur minn.
Mál er nú að tifa
út í túnfótinn.
2.
Silfurskært er erlunnar
sumarglaða lag:
býður hún þér, glókollur,
góðan dag.
3.
Héðan sérðu fjöruna
og fjallsins efstu brún.
– Vítt er það og fagurt
þitt föðurtún.
4.
Gullnu skarta flosinu
hin grænu móabörð.
Faðminn á hún mjúkan
þín móðurjörð.
5.
Hlær við þér í lautunum
hennar dýra skrúð,
fífildrottning silkibleik,
og sóley prúð.
6.
Ljósálfarnir hjala blítt
við lítinn Íslending,
vaka þeir þér yfir
og allt um kring.
7.
Hjúfraðu þig, litli vinur,
hjarta lands þíns að.
Gott er að læra ungur
að elska það.