Húnaflói – kvæða- og vísnasafn
SöfnÍslenskaÍslenska |
Flokkar
Allt (1278)
Afmæliskvæði (11)
Ástarljóð (10)
Baráttukvæði (3)
barnagælur (1)
Biblíuljóð (3)
Brúðkaupsljóð (1)
Bænir og vers (1)
Daglegt amstur (8)
Eftirmæli (13)
Ferðavísur (3)
Formannavísur (1)
Fræðsluljóð (1)
Gamankvæði (18)
Háðkvæði (8)
Hátíðaljóð (2)
Heilræði (1)
Hestavísur (2)
Hindisvík (2)
Holtavörðuheiði (3)
Húnaþing (8)
Húnvetningar (7)
Hyllingarkvæði (4)
Jóðmæli (1)
Jólaljóð (3)
Kappakvæði (1)
Lífsspeki (2)
Ljóðabréf (6)
Náttúruljóð (48)
Oddi (1)
Rímur (1)
Sagnakvæði (1)
Sálmar (2)
Skáldsþankar (44)
Strandir (2)
Söguljóð (11)
Söngvamál (1)
Tíðavísur (1)
Tregaljóð (4)
Þululjóð (1)
Ættjarðarkvæði (15)
Ævikvæði (2)
PáskabænFyrsta ljóðlína:Burt frá mér sérhver illur andi
Höfundur:Jónas Jónsson frá Grjótheimi
Heimild:Hendingar. bls.61-62
Viðm.ártal:≈ 1925
Skýringar
um borð í botnvörpungnum Skúla fógeta veturinn 1913.
1. Burt frá mér sérhver illur andialla leið beint til Helvítis; heilagir englar hjá mér standi, hamli því, að mér grandi slys; leiddu mig, guð, um land og sjó, láttu mig alltaf hafa nóg.
2. Gefðu við fiskum vel í vetur,vernda frá slysum sérhvern mann; fylltu pokann með fiski betur, færðu´ oss hann alltaf þrískiptan; láttu´ ekki ufsa í því sjást og alla poka heila nást.
3. Þá gengi fljótt að fylla´ hann Skúla,á fimmta degi við kæmum inn, sumir gengju með gleiðan túla, glaðir að líta hlutinn sinn; Halldóri veittist verðugt lof, varla mundi það samt um of.
4. Gengi það eins á „Baldri“ og „Braga“„blessaðir“ segði „Gói“ minn, „þið kunnið vænan þorsk að draga, þarna sést ekki stórufsinn; aflinn við Portland ekki´ er slor, en er þetta´ úr „Pítarítisfor?“
5. Ef þetta nú að óskum gengiættum við frí í heilan dag, „sjampaní“ flösku sérhver fengi og „sígara“-kassa í on´álag. Hvort við færum á „fyllirí“ frjálst er öllum að trúa því. Athugagreinar
Baldur og Bragi, botnvörpungar, eign Thorsteinssons. Einhver skipstjóri hans sem fiskað hafði á skútu ágætis þorskafla, kvaðst hafa fengið hann austur í „Pítarítisforum“ og sagði, að þær væru skammt fyrir austan Portland, en aðrir höfðu ekki þekkt þær til þessa. Þangað vildi Thorsteinsson drífa aðra skipstjóra sína og sagði, að þar væri þorskurinn.
|
