Kvöldbænir mínar 6. 3. 1944

Tryggðu mér guð um tíma alla,
traustið á þér mér vísi leið.
Heyr mína bæn frá hjarta kalla,
hjálpaðu mér í allri neyð.
Læknaðu bæði mig og mína
mest, þegar lama sjúkdóms bönd;
láttu þá náðarljós þitt skína,
leiddu mig alltaf þér við hönd.

Láttu konuna lækning hljóta,
líf mitt er komið undir því.
Láttu mig hennar lengi njóta,
ljúfasti guð, ég treysti því.
Bænheyr þú mig á besta máta,
bætir þú okkar heilsufar,
þá skal mér alltaf ljúfast láta
lofsyngja þig til eilífðar.