Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Svartur skógur

Fyrsta ljóðlína:Við fótmál hvert, sem eg um göng þín geng
Viðm.ártal:≈ 1925
1.
Við fótmál hvert, sem eg um göng þín geng,
mér gín á móti, skógur, uggvæn spá
um örlög þín svo grimm og geigvænleg.
Hver setti á fiðlu þína stakan streng?
Hver strauk með kaldri hendi um þína brá
og lauf þitt bar á allra veðra veg?
2.
Ó, manstu sindurglit og glóðafok
um greinahvolfið? – Ljómann manstu þó,
sem pell og lýsigull um lind og ós.
Hví beið þín, veslings skógur, regn og rok,
sem runna þínum kræklihendur bjó,
og breytti í heljarblómstur hverri rós?
3.
Hér hafa stormar nætt um bjarkarbörk
og blómskrúð liðins sumars regni gnúð.
Hér minnir allt á útför vinar manns:
Við hvíta fönn og svarta sviðamörk
ber sortulyngsins eilífgræna skrúð,
sem dánarkrans á kistuloki hans.
4.
Við stundargrið og skamma sólarsýn
og svipulleika hef eg áður kynnst,
hann einn mér fylgdi, einn mig aldrei sveik.
Mín örlög, skógur, eru örlög þín:
því eitt sinn hverfur, þegar varir minnst,
mitt hinsta ljóð í haustsins eyðileik.
5.
Eg hefi nokkur sólrík sumur átt.
Mín sorg, mín þrá var lýst í stundarbann,
og draumaheiðið beið mín stjörnublátt.
Lát, svarti skógur, söng þinn hljóma dátt
um sumardrauminn okkar, kveddu hann. –
Ó, hvaða draum? þú hvísla undurlágt.