Mikael Illugason

Mikael bjó lengst að Svínabökkum í Vopnafirði. Hann var vel greindur og fróðleiksmaður og kallaður töframaður mikill. Hann var lágur og þrekinn og svarthærður og skeggjaður, ærið íbygginn, nokkuð dulur og fáskiptinn. Hann var þakklátur fyrir velgerðir, en ærið heiftúðugur mótstöðumönnum sínum og þótti hefna sín hlífðarlaust. Sigfús Sigfússon/Ísl. þjóðsögur og sagnir VIII 288