Helga Jónsdóttir 1801–1843

Dóttir Jóns prests frá Auðkúlu og Ingibjargar Oddsdóttur Gísladóttur biskups Magnússonar. Bjó Ingibjörg í Litladal í Húnavatnssýslu með nokkrum börnum sínum. Í Húnavöku 1976-1981 eru þættir Bjarna Jónassonar, Litast um í Svínavatnshreppi, byggðir á bændarímu eftir Helgu.
Um höfundinn segir Bjarni:„Helga var fædd að Auðkúlu 7. ág. 1801 og dáin á Austurlandi 1843 samkvæmt því sem segir í Annál 19. aldar eftir Pétur Guðmundsson. Helga var tæpra 16 ára þegar hún flytur að Litladal og elzt systkinanna. Hún var „veik að sjón" að sögn   MEIRA ↲

Dóttir Jóns prests frá Auðkúlu og Ingibjargar Oddsdóttur Gísladóttur biskups Magnússonar. Bjó Ingibjörg í Litladal í Húnavatnssýslu með nokkrum börnum sínum. Í Húnavöku 1976-1981 eru þættir Bjarna Jónassonar, Litast um í Svínavatnshreppi, byggðir á bændarímu eftir Helgu.
Um höfundinn segir Bjarni:„Helga var fædd að Auðkúlu 7. ág. 1801 og dáin á Austurlandi 1843 samkvæmt því sem segir í Annál 19. aldar eftir Pétur Guðmundsson. Helga var tæpra 16 ára þegar hún flytur að Litladal og elzt systkinanna. Hún var „veik að sjón" að sögn Húnvetningasögu, en um margt efnileg. Talin greind og skáldmælt. Af ljóðum eftir hana hefir fátt geymst annað en bændavísurnar, sem birtast í þessum þáttum.“ Húnavaka 1979
Helga var systir Sigurbjargar Jónsdóttur húsfreyju á Grund og ættmóður Grundarættarinnar
   ↑ MINNA