Guðmundur Magnússon frá Þyrli 1858–1930

Guðmundur Magnússon fæddist að Þúfukoti í Kjós, 22. september 1858. Foreldrar hans voru Magnús Guðmundsson frá Þúfu í Kjós og kona hans Kristrún Guðmundsdóttir frá Sandi í sömu sveit. Árið 1895 kvæntist Guðmundur Kristínu Einarsdóttur frá Flekkudal í Kjós. Þau hófu búskap á Innra-Hólmi á Akranesi. Þaðan fluttu þau að Brekku á Hvalfjarðarströnd, en árið 1901 fluttu þau að Þyrli við Hvalfjarðarströnd. Þau hættu búskap árið 1911 og fluttu þá til Reykjavíkur. Þegar börnin voru uppkomin flutti Guðmundur til Ólafsvíkur og bjó þar hjá syni sínum séra Magnúsi og Rósu, konu hans. Guðmundur Magnússon lést 24. maí 1930 í Ólafsvík.