Þórarinn Jónsson prestur á Myrká og Múla 1755–1816

Þórarinn er fæddur í Vogum við Mývatn sonur hjónanna Jóns Þórarinssonar prests í Mývatnsþingum og konu hans Helgu Tómasdóttur að Ósi í Hörgárdal Tómassonar. Þórarinn var útskrifaður úr Hólaskóla 1774 með ágætum vitnisburði. Var síðan kennari á Reynisstað í þrjú ár, kenndi og bróður sínum, Benedikt skáldi Gröndal, síðar yfirdómara. Gekk þvínæst í þjónustu Vigfúsar sýslum. Scheving á Víðivöllum 1777-81, varð djákni að Möðruvallaklaustri 1781, fékk Myrká 1785, fékk Múla 1804 og bjó þar til æviloka. Hann var gáfumaður og vel skáldmæltur. Pr. er eftir hann Tíðavísur Ak. 1853; einn sálmur í Leirárgarðssálmabókinni og síðan fram að þeirri sem nú gildir.