Hallfreður Óttarsson vandræðaskáld (f. um 965 – d. um 1007)

Hallfreður vandræðaskáld var sonur Óttars Þorvaldssonar í Grímstungu í Vatnsdal og konu hans, Ásdísar Ólafsdóttur frá Haukagili. Af Hallfreði er ein Íslendingasagna, Hallfreðar saga. Segir í henni frá meinástum hans og Kolfinnu Ávaldadóttur frá Hnjúki í Vatnsdal, svo og utanferðum og skiptum hans við Ólaf konung Tryggvason. Margar lausavísna Hallfreðar eru í sögu hans, meðal annars nokkrar ástavísur hans til Kolfinnu. Varðveitt er og eftir Hallfreð Ólafsdrápa, erfidrápa um Ólaf konung Tryggvason, og drápur orti hann um fleiri norsk stórmenni.