Steinunn Finnsdóttir f. 1641
EITT LJÓÐ — ÞRJÁR LAUSAVÍSUR
Höfn Melasveit (f. um 1641– enn á lífi 1710)
Óvíst er um fæðingarstað Steinunnar en ung var hún í vist í Skálholti (1657–1662) á dögum Brynjólfs biskups. Hún var gift Þorbirni Eiríkssyni bónda í Birtingarholti í Árnessýslu og munu þau hafa búið þar um skeið. Dóttir þeirra var Guðrún, móðir Snorra prests Björnssonar á Húsafelli. Á efri árum sínum var Steinunn í Höfn í Melasveit hjá Guðrúnu dóttur sinni og manni hennar, Birni Þorsteinssyni frá Höfn, og er hún gjarnan kennd við þann bæ. – Eftir Steinunni eru varðveittar tvennar MEIRA ↲
Höfn Melasveit (f. um 1641– enn á lífi 1710)
Óvíst er um fæðingarstað Steinunnar en ung var hún í vist í Skálholti (1657–1662) á dögum Brynjólfs biskups. Hún var gift Þorbirni Eiríkssyni bónda í Birtingarholti í Árnessýslu og munu þau hafa búið þar um skeið. Dóttir þeirra var Guðrún, móðir Snorra prests Björnssonar á Húsafelli. Á efri árum sínum var Steinunn í Höfn í Melasveit hjá Guðrúnu dóttur sinni og manni hennar, Birni Þorsteinssyni frá Höfn, og er hún gjarnan kennd við þann bæ. – Eftir Steinunni eru varðveittar tvennar rímur, Hyndlu rímur og Snækóngs rímur, hvorar tveggja prentaðar í Ritum Rímnafélagsins III, 1950, í útgáfu Bjarna Vilhjálmssonar. Í sama riti er einnig prentað Kappakvæði Steinunnar (Mun ei gagn að minnast á / mæta kappa fræga). Einnig eru prentuð eftir Steinunni kvæði í Íslenzkum gátum, skemmtunum og vikivökum. Þá eru og kunnar nokkrar lausavísur eftir hana. (Helstu heimildir: Guðrún P. Helgadóttir: Skáldkonur fyrri alda. Reykjavík 1963 og Bjarni Vilhjálmsson: Rit Rímnafélagsins III: Hyndlu rímur og Snækóngs rímur eftir Steinunni Finnsdóttur. Reykjavík 1950). ↑ MINNA