Staðtölur

Velkominn vertu

til þessa vísnasafns lesari góður!

Meira ...

Bleikri slikju slær um fjöll
slétta, vik og hólar
sýnast kvika undir öll
aftanbliki sólar.

Hallar kveldi, skuggar skjótt
skýjafeldinn stika.
Hefst í veldi höfug nótt.
Haugaeldar blika.

Hún á greiðum himinvæng
heldur leiðar sinnar.
Yfir breiðir blakka sæng
bungu heiðarinnar.

Áhrif lands og ylur víns
efla dáð og gaman
eru á leiðum Íslendings
einatt fléttuð saman.