Pétur Gunnarsson f. 1947

Pétur Gunnarsson er Reykvíkingur, fæddur 15. júní 1947, sonur hjónanna: Gunnars V.  Péturssonar og Guðmundu Þorgeirsdóttur. Stúdentsprófi lauk hann frá Menntaskólanum í Reykjavík vorið 1968 og hélt að því búnu til Frakklands þaðan sem hann lauk mastersprófi í heimspeki frá háskólanum í Aix-en-Provence árið 1975. Höfundarferill hans hófst árið 1973 með ljóðabókinni Splunkunýr dagur. Síðan þá hefur hann gefið út á þriðja tug frumsaminna skáldverka, síðast HKL – ástarsögu (2020). Enn fremur hefur hann þýtt á annan tug   MEIRA ↲

Pétur Gunnarsson er Reykvíkingur, fæddur 15. júní 1947, sonur hjónanna: Gunnars V.  Péturssonar og Guðmundu Þorgeirsdóttur. Stúdentsprófi lauk hann frá Menntaskólanum í Reykjavík vorið 1968 og hélt að því búnu til Frakklands þaðan sem hann lauk mastersprófi í heimspeki frá háskólanum í Aix-en-Provence árið 1975. Höfundarferill hans hófst árið 1973 með ljóðabókinni Splunkunýr dagur. Síðan þá hefur hann gefið út á þriðja tug frumsaminna skáldverka, síðast HKL – ástarsögu (2020). Enn fremur hefur hann þýtt á annan tug skáldsagna, leikrita og fræðiverka, síðast Regnskógabeltið raunamædda eftir Claude Lévi-Strauss (2011). Hann hefur nýlokið við þýðingu á Játningum franska heimspekingsins Jean-Jacques Rousseau, sem bíða útgáfu.

(Heimild: Tölvupóstur frá Pétri Gunnarssyni til skrásetjara, Kristjáns Eiríkssonar, 16. janúar 2021)