Pétur Pétursson þulur* 1918–2007

Pétur fæddist á Eyrarbakka 16. október 1918. Foreldrar hans voru Elísabet Jónsdóttir frá Eyvindarmúla í Fljótshlíð og Pétur Guðmundsson frá Votamýri á Skeiðum, kennari og skólastjóri á Eyrarbakka. Kona Péturs var Birna Jónsdóttir, dóttur hjónanna Önnu Þorgrímsdóttur og Jóns Bjarnasonar, héraðslæknis á Kleppjárnsreykjum í Borgarfirði. Pétur og Birna eignuðust eina dóttur, Ragnheiði Ástu, f. 28. maí 1941. Faðir Péturs dó árið 1922 og haustið 1923 fluttist Pétur til Reykjavíkur með móður sinni og systkinum. Þrettán ára hóf hann störf   MEIRA ↲

Pétur fæddist á Eyrarbakka 16. október 1918. Foreldrar hans voru Elísabet Jónsdóttir frá Eyvindarmúla í Fljótshlíð og Pétur Guðmundsson frá Votamýri á Skeiðum, kennari og skólastjóri á Eyrarbakka. Kona Péturs var Birna Jónsdóttir, dóttur hjónanna Önnu Þorgrímsdóttur og Jóns Bjarnasonar, héraðslæknis á Kleppjárnsreykjum í Borgarfirði. Pétur og Birna eignuðust eina dóttur, Ragnheiði Ástu, f. 28. maí 1941. Faðir Péturs dó árið 1922 og haustið 1923 fluttist Pétur til Reykjavíkur með móður sinni og systkinum. Þrettán ára hóf hann störf sem sendisveinn hjá Útvegsbanka Íslands og vann þar síðar sem bankamaður til 1942. Pétur stundaði nám við lýðháskólann í Tärna í Svíþjóð og Pitman's College í Bretlandi á árunum 1937–1938. Árið 1941 var hann ráðinn þulur við Ríkisútvarpið og starfaði þar til 1955. Hann starfaði við verslunarrekstur eftir að hann hætti hjá Ríkisútvarpinu og var um tíma umboðsmaður skemmtikrafta og listamanna. Árið 1970 kom Pétur aftur til starfa í Ríkisútvarpinu og starfaði þar út starfsævina. Pétur dó 23. apríl 2007. (Sjá Pétur Pétursson, minningargrein. Morgunblaðið, 4. maí 2007)   ↑ MINNA