Pushkin, Aleksander 1799–1837

Aleksander Pushkin var rússneskur rithöfundur og ljóðskáld.
Hann fæddist í Moskvu 6. júni 1799 og dó í Pétursborg 10. febrúar 1837 eftir að hafa særst til ólífis í einvígi. Í æsku stundaði Púskin nám í latínuskóla í Carskoje Selo (sem nú nefnist Pushkinborg til minningar um hann) í nágrenni Sankti-Pétursborgar. Skóli þessi var ætlaður börnum aðalsmanna á aldrinum 10–12 ára og var markmið hans að búa þau undir æðri störf á vegum ríkisins. Púskin var þegar á skólaárum sínum tekinn inn í bókmenntafélagið „Arzamas“, sem barðist gegn stöðnuðum og forneskjulegum skáldskap samtímans enda er jafnan litið á hann sem forvígismann rússneskra nútímabókmennta.