Jón Þorsteinsson á Arnarvatni 1859–1948

Jón Þorsteinsson, skáld og bóndi á Arnarvatni var fæddur á Grænavatni og voru foreldrar hans Þorsteinn Jónsson prestur í Ystafelli í Köldukinn og kona hans, Guðbjörg Aradóttur. Föður sinn missti Jón átta ára gamall. Ekkjan bjó þó áfram í Ystafelli en er Jón var komin á fullorðinsár flutti hún að Skútustöðum í Mývatnsveit. Jón kvæntist Halldóru Metúsalemsdóttur, bónda á Arnarvatni og bjó þar eftir það. Til mun hafa staðið að Jón gengi menntaveginn en talið að hann hafi ekki haft hug á „sérnámi til embættis“, en hann er sagður   MEIRA ↲

Jón Þorsteinsson, skáld og bóndi á Arnarvatni var fæddur á Grænavatni og voru foreldrar hans Þorsteinn Jónsson prestur í Ystafelli í Köldukinn og kona hans, Guðbjörg Aradóttur. Föður sinn missti Jón átta ára gamall. Ekkjan bjó þó áfram í Ystafelli en er Jón var komin á fullorðinsár flutti hún að Skútustöðum í Mývatnsveit. Jón kvæntist Halldóru Metúsalemsdóttur, bónda á Arnarvatni og bjó þar eftir það. Til mun hafa staðið að Jón gengi menntaveginn en talið að hann hafi ekki haft hug á „sérnámi til embættis“, en hann er sagður víðlesinn í skáldritum og fagurfræði. Ljóðabók Jóns Þorsteinssonar kom út 1933. Jón var vinsæll í sveit sinni, flutti bæði ljóð og gamankveðskap á samkomum. Vísur hans af léttara taginu hafa orðið langlífar í munnlegri geymd þar um slóðir. (Sjá einkum Jón Þorsteinsson Arnarvatni: Ljóðabók 1933)   ↑ MINNA