Jón Guðmundsson lærði 1574–1658

Jón Guðmundsson lærði (f. 1574 – d. um 1658) var fæddur í Ófeigsfirði á Ströndum. Jón kvæntist Sigríði Þorleifsdóttur frá Húsavík í Steingrímsfirði árið 1600 og árið eftir hófu þau búskap á Stóra-Fjarðarhorni í Kollafirði en bjuggu síðar á ýmsum stöðum á Vestfjörðum. Sonur þeirra var Guðmundur Jónsson, síðar prestur á Hjaltastöðum. Á árunum 1611–1612 kvað Jón niður tvo drauga á Snæfjöllum með tveim kvæðum, Fjandafælu og Snjáfjallavísum hinum síðari. Jón lærði gagnrýndi hin svokölluðu Spánverjavíg sem Ari sýslumaður   MEIRA ↲

Jón Guðmundsson lærði (f. 1574 – d. um 1658) var fæddur í Ófeigsfirði á Ströndum. Jón kvæntist Sigríði Þorleifsdóttur frá Húsavík í Steingrímsfirði árið 1600 og árið eftir hófu þau búskap á Stóra-Fjarðarhorni í Kollafirði en bjuggu síðar á ýmsum stöðum á Vestfjörðum. Sonur þeirra var Guðmundur Jónsson, síðar prestur á Hjaltastöðum. Á árunum 1611–1612 kvað Jón niður tvo drauga á Snæfjöllum með tveim kvæðum, Fjandafælu og Snjáfjallavísum hinum síðari. Jón lærði gagnrýndi hin svokölluðu Spánverjavíg sem Ari sýslumaður í Ögri stóð fyrir. Mátti hann eftir það þola ofsóknir af hendi Ara og var einnig kærður fyrir galdra og gerður landrækur. Sigldi hann þá til Kaupmannahafnar þar sem hann fékk málið tekið upp að nýju. Hinn fyrri dómur var þó staðfestur að mestu á Alþingi 1637. Þrátt fyrir það fékk Jón að hafast við austur á héraði það sem eftir lifði ævinnar.   ↑ MINNA