Guðný Jónsdóttir frá Klömbrum 1804–1836

Guðný var fædd á Auðbrekku í Hörgárdal 20. apríl 1804. Hún var dóttir séra Jóns Jónssonar frá Stærra Árskógi, sem þá var nýbúinn að fá veitingu fyrir Möðruvallabrauði, og konu hans, Þorgerði Runólfsdóttur, en þau voru þá farin að búa á Auðbrekku. Jón fékk síðan veitingu fyrir Stærra Árskógi 1817 og ólst Guðný upp á þessum tveim bæjum, næstelst sjö systkina. Guðný giftist Sveini Níelssyni 21. ágúst 1827. Sveinn varð svo djákni á Grenjaðarstað árið eftir og fóru þau Guðný þá að búa á Klömbrum. Þau eignuðust fjögur börn   MEIRA ↲

Guðný var fædd á Auðbrekku í Hörgárdal 20. apríl 1804. Hún var dóttir séra Jóns Jónssonar frá Stærra Árskógi, sem þá var nýbúinn að fá veitingu fyrir Möðruvallabrauði, og konu hans, Þorgerði Runólfsdóttur, en þau voru þá farin að búa á Auðbrekku. Jón fékk síðan veitingu fyrir Stærra Árskógi 1817 og ólst Guðný upp á þessum tveim bæjum, næstelst sjö systkina. Guðný giftist Sveini Níelssyni 21. ágúst 1827. Sveinn varð svo djákni á Grenjaðarstað árið eftir og fóru þau Guðný þá að búa á Klömbrum. Þau eignuðust fjögur börn og misstu tvö þau fyrstu. Eftir tæplega átta ára hjónaband skildu þau Sveinn og Guðný að hans frumkvæði og flutti hann þá norður í Húnavatnssýslu og gerðist prestur þar en Guðný fluttist með Hildi systur sinni og manni hennar til Raufarhafnar þar sem hún lést rúmu misseri síðar 11. janúar 1836.. (Sjá: Helga Kristjánsdóttir frá Þverá: Guðný frá Klömbrum. (Formáli fyrir Guðnýjarkveri).   ↑ MINNA