Haukur Þorgeirsson: Óprentaðar uppskriftir miðaldarímna

Almennur fyrirvari sem Haukur Þorgeirssonar setur við uppskriftir sínar á miðaldarímum:

Meðan á doktorsnámi mínu stóð 2009-2013 sló ég með hraði inn texta flestra miðaldarímna til að nota við rannsóknirnar. Uppskriftir þessar eru óvandaðar og ekki yfirlesnar enda voru þær ekki ætlaðar til útgáfu. Árið 2014 veitti Málvísindastofnun mér styrk til að gera uppskriftir þessar aðgengilegar á vefnum. Af því tilefni hafa þær að nokkru leyti verið yfirfarnar og nokkrar villur lagaðar. Hér er þó enn um að ræða vinnugögn en ekki vandaðar útgáfur og víst er að enn eru margs konar villur og ósamræmi fyrir hendi. Lesandinn er eindregið hvattur til að treysta engu sem hér stendur og vísa heldur beint í útgáfurnar sem farið var eftir.