SöfnÍslenskaÍslenska |
Flokkar
Allt (334)
Afmæliskvæði (25)
Ástarljóð (4)
Baráttukvæði (1)
Bæjavísur (6)
Bænir og vers (5)
Daglegt amstur (21)
Eftirmæli (2)
Ellikvæði (2)
Formannavísur (4)
Gamankvæði (24)
Hátíðaljóð (6)
Heilræði (5)
Heimsádeilur (2)
Helgikvæði (1)
Hyllingarkvæði (29)
Jólaljóð (20)
Lífsspeki (14)
Ljóðabréf (10)
Náttúruljóð (49)
Sagnakvæði (1)
Sálmar (1)
Skáldsþankar (55)
Særingar (1)
Tíðavísur (17)
Tregaljóð (8)
Vögguljóð (1)
Þululjóð (6)
Ættjarðarkvæði (9)
Ævikvæði (1)
SólkonungurinnFyrsta ljóðlína:Ég er hinn voldugi Ra
Höfundur:Sigrún J. Eyrbekk
Heimild:Hérsvarf 2015. Viðm.ártal:≈ 1975
Ég er hinn voldugi Ra.
Um nætur fer ég með hina hljóðu herskara mína um hauður, loft og haf. Sólherir himnanna eru þar á ferð. Á fornum skrám hinna horfnu tíma sé ég komandi dag rísa. Leikbrúður dagsins, leika sinn leik. Í dag fæðist Birkir en Bára fór í nótt. Það verður flogið utanlands í dag bátar koma inn og vegur verður lagður. Úr ómynnisdjúpi koma stundir, sem voru og eru sem perlur á bandi lagðar um dökka lokka. Blómvarir hvísla um lítil börn með leifrandi augu, sem demantar logi hlaupandi um götur með ærsl og læti. Á bláhæðum berjalandsins blána varir í fögru brosi milli rjóðra kinna. Í skurði skýst lonta í skugga milli steina. Tvö ung augu stara í von um veiði. Ungir drengir leika sinn leik, það eru hinir komandi tímar. Bráðum dvínar dagur og hin hljóða nótt opnar faðm sinn öllum hinum þreyttu börnum jarðarinnar. Þá leggur hinn voldugi Ra upp með sinn vængjaða her og sköpun hins nýja dags hefst á ný. |