Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Lífið

Fyrsta ljóðlína:Einn fæðist konungur himna og heima.
Heimild:Sóldægur - ljóð bls.97-98
Viðm.ártal:≈ 1925
Tímasetning:1915-1921
Flokkur:Lífsspeki

Skýringar

Úr syrpunni „ Villiblóm “ 1915 - 1921 ......
Einn fæðist konungur himna og heima.
Hinn sem þræll, er hlekkir geyma.

Einn er sem fossfall, er björgin brýtur.
Annar er seytla, sem enginn lítur.

Einn finnur gimsteina glitrandi bjarta.
Annar þyrna og þisla svarta.

einn er fæddur til að elska og dreyma.
Hinn til að deyða, hata og gleyma.

Einn strýkur heilagri hendi um sárin.
Hinn skapar vonbrigðin, tálið og tárin.

Einn drekkur gleðinnar angandi veigar.
Annar dauðans eitur teygar.

Þessum finnst jörðin hamingjuheimur.
Hinum er hún grátsins geimur.

Og þó eru allir á einum vegi
upp móti skínandi, heiðríkum degi.