Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Grátur.

Fyrsta ljóðlína:Gaktu hljótt þar sem grátið er -
Heimild:Sóldægur - ljóð bls.99
Viðm.ártal:≈ 1925
Tímasetning:1915-9-1921
Flokkur:Skáldsþankar

Skýringar

Úr syrpunni „ Villiblóm “ frá 1915 - 1921.....
Gaktu hljótt þar sem grátið er -
Guð er þar að opna sér
leið að lokuðu hjarta.
Tárið er þrautanna þakkargjörð,
þar sem það glitrar, er heilög jörð
hátt yfir húminu svarta.

Gaktu hljótt þar sem grátið er.
- Gráturinn sál í eilífð ber,
frá heilögu hafi hann streymir.
Hvar sem að tárin blika á brá,
bjarmar lifandi guðsneistann á,
er sál vor sífellt geymir.

Grátsins mál fer leynt og lágt,
það lyftist ei víða og flýgur ei hátt,
en nær samt til himinhæða.
- Drag skó af fótum og farðu hljótt,
fylltu ei með háreysti grátinna nótt,
því Guð er þar sárin að græða.