Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Hún söng mér sólskinsljóðin

Fyrsta ljóðlína:Hún söng mér sólskinsljóðin
Heimild:Sóldægur - ljóð bls.6
Viðm.ártal:≈ 1925
Tímasetning:1914- 1920

Skýringar

Úr syrpunni „ Gamlar og nýjar glæður “ 1914-1920......
Hún söng mér sólskinsljóðin
um svarta og kalda nótt.
Í dimma harmahúmið
hafði ´ún mig alein sótt.
Hún fyllti líf mitt af ljósi,
hún lyfti mér duftinu frá.
- Kærleikans himnanna himin
í hjarta hennar eg sá.

Hún leit á mig - eg varð sem engill
í elskunnar Paradís.
Hún snerti mig - mér fannst eg minnast
við morguns og sólar dís.
Hún talaði - sál mín varð söngur,
er sveif út í hvelin blá.
Hún gaf mér sig - guð varð eg ungur,
er geislar stöfuðu frá.