Hinsta kveðjan

Kæri, gamli, kunni Braggi,
kveðjumst nú í hinsta sinn.
Orðstír þínum enginn haggi
eða skerði hróður þinn.
Hjá þér enginn undi leiður,
ami og sút í burtu hrökk.
Virðing okkar áttu og heiður,
aldni vinur, ljúfa þökk.

Vertu sæll, sem vel og lengi
veitt hefur gangnamönnum skjól.
Margir, hátt við heillagengi,
héldu með þér gleðijól.
Ylurinn frá yndisstundum
okkar lengi hlýjar lund.
Minningarnar frá þeim fundum
fylgja að aldurtilastund.