Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Hinsta kveðjan

Fyrsta ljóðlína:Kæri, gamli, kunni Braggi,
Heimild:Krosshólshlátur bls.110
Viðm.ártal:≈ 1975
Tímasetning:1980
Flokkur:Tregaljóð

Skýringar

Í september 1980 var vígður nýr gangnaskáli í afréttinni og jafnframt gamli skálinn eða Bragginn kvaddur. Haraldur yrkir í orðastað gangnamanna:
Kæri, gamli, kunni Braggi,
kveðjumst nú í hinsta sinn.
Orðstír þínum enginn haggi
eða skerði hróður þinn.
Hjá þér enginn undi leiður,
ami og sút í burtu hrökk.
Virðing okkar áttu og heiður,
aldni vinur, ljúfa þökk.

Vertu sæll, sem vel og lengi
veitt hefur gangnamönnum skjól.
Margir, hátt við heillagengi,
héldu með þér gleðijól.
Ylurinn frá yndisstundum
okkar lengi hlýjar lund.
Minningarnar frá þeim fundum
fylgja að aldurtilastund.