Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Faxmikil fjallaljón

Fyrsta ljóðlína:Í Sveinsstaðaafrétt þann 7. október
Heimild:Krosshólshlátur bls.100
Viðm.ártal:≈ 1975
Tímasetning:1973

Skýringar

Í eftirleit á Sveinsstaðaafrétt 1973 skrifaði Hjörtur allnákvæma lýsingu á mönnum og atburðum í bundnu máli.
Í Sveinsstaðaafrétt þann 7. október
seggirnir riðu og dável þeir skemmtu sér.
Étandi, súpandi, syngjndi, hlæjandi,
suma þá yngri í stelpurnar klæjandi.

Á Vesturárdal fóru vöskustu kapparnir,
valdir, því þeir eru knástir og skarpastir.
Ármann og Hjörtur, tvö faxmikil fjallaljón,
fyrir svo utan þá Stefán og Bakka-Jón.

Í Sveinsstaðaskálinni skófu þeir dreggjarnar,
skriðu eins og kettir um sárbeittar eggjarnar.
Í Almenning fór síðan óskaplegt mannavað,
allnýtir þegnar, þó bágt sé að sanna það.