Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Minning

Fyrsta ljóðlína:Lauk lífsdegi
Viðm.ártal:≈ 1975
Tímasetning:1964

Skýringar

Minning um Björn Jóhannesson, bæjarfulltrúa ( D. 22.11. 1964 ), sem birtist í Alþýðublaði Hafnarfjarðar 24. des. 1997 í grein um endurbyggingu Krísuvíkurkirkju. En Björn átti allt frumkvæði að þessum framkvæmdum.
Lauk lífsdegi
ljúfur maður.
Vitur, vel gerður
og vinur hlýr.
Þreyttur orðinn
af þungum róðri.
Gott er
góðum að hvílast.

Ævina alla
ei sér hlífði.
Gjörhugull
um gang mála.
Vinnandi stétta
vildi gengi.
Stefnumótandi
í störfum öllum.

Hafnarfjarðar
hagsmuna gætti.
Oddviti þar
um árafjöld.
Trausts naut
og trúnaðar.
Gegn maður
og góðviljaður.

Þökk hafðu,
þín fyrir störfin.
Réttsýni glögga
og ráðin hollu.
Hógværð einstaka
og höfðingslund.
Hjá föður lífsins
og friðar njóttu.