Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Á konudag

Fyrsta ljóðlína:Gaman væri að geta nú
Viðm.ártal:≈ 2000
Tímasetning:1985-1988
Flokkur:Tíðavísur

Skýringar

Yrkir til konu sinnar í tilefni af konudeginum.
Gaman væri að geta nú
gert þér glaðan daginn.
Gæfan fylgi þér mín frú
og færi allt í haginn.

Góudagur genginn er
gumar verða að vinna.
Ég get ekki því er ver
glatt þig góða kvinna.

Blómvönd samt ég ber þér nú
með bestu ósk um daginn.
Óskin mín er ávalt sú
að gangi þér allt í haginn.

Við höfum lengi saman séð
svartan byl um nætur.
Einn ég stefnu ekki réð
eins og að líkum lætur.

Mín varstu ávalt hægri hönd
þegar hvarf mér dugur.
Þú gast líka reist við rönd
er reikull varð minn hugur.