Forsetinn ferðast um Norðurland

Forseti vor var feginn
að finna hér vinaþel.
Hann varðar hér rétta veginn
og virðist ganga það vel.

Það fer honum flest vel úr hendi
nú flögrar hann stað úr stað.
„ Komminn “ það fyrrum kenndi,
hann kann mjög vel við það.

Hann skoðaði margt mjög skrítið,
en skálmaði áfram hratt,
en fannst flest lélegt og lítið
og leiddist þetta snatt.

Í hestvagni með Sveini í Kálfskinni....

Hann fluttu í vildar vagni
og vagnstjórinn bóndagrey.
Það kom ei að góðu gagni
því gestirnir vissu það ei,
hvor þeirra væri sá sanni,
sá er við stjórnina sat,
eða hinn sem dauðhræddur hékk
og hélt sér eins og hann gat.
En þegar úr kerru þeir komu,
þá kunngert var hver var hver,
kúskur með kollháan pípuhatt
eða karlinn sem hræddur hélt sér.