Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Morgunfegurð

Fyrsta ljóðlína:Nú er frítt við fjarðarstrendur
Höfundur:Óskar Karlsson
Viðm.ártal:≈ 1975
Flokkur:Náttúruljóð
Nú er frítt við fjarðarstrendur
fyllir loftið vængjablak.
Þíður blærinn sumri sendur
sveipar lífsins andartak.
Yfir landi tíbrá titrar
töfrar dagsins gígjuspil.
Fagur vorsins gróður glitrar,
gleðst við morgunsólaryl.

Allt er nú sem endurvakið,
örvað nýjum gleðihljóm,
laufguð rós og lóukvakið
lofa mildan skapadóm.
Söngur allra sumargesta
semur lífi þakkargjörð.
Náttúrunnar munað mesta
miðlar okkar fósturjörð.