Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Hugdetta

Fyrsta ljóðlína:Gefur sýn yfir glæstan sal
Viðm.ártal:≈ 1975
Flokkur:Hátíðaljóð

Skýringar

Ort í tilefni af flutningi Bókasafns Dalvíkur í Ráðhúsið 1986
Gefur sýn
yfir glæstan sal:
bjart til beggja handa,
vítt er til veggja, vel sem eru
drifnir ljósum lit.

Gefur sýn aðra
gleðiríka,
sannkallað augnayndi:
stoltar, standandi
í styrkum röðum,
blessaðar bókahillur.

Þar eru bækur
í þúsunda tali,
þykkar bæði og þunnar, 
og að efni til
við allra hæfi
aldinna jafnt sem ungra.

Eigum eljuverk
anda og handa
fjölvitra fræðimanna
er fyrr og síðar
sýndu og báru
reisn á ritvellinum.

Léku að listfengi
er í letur færðu
handrit af hreinni snilld,
út fyrir landsteina
um lönd og álfur
ættjarðarorðstír báru

Hafa ófáir
Íslendingar
sér leikið að ljóðstöfum,
allt frá Agli
til okkar daga
byrlað Bragafull.