Sigrún J. Eyrbekk 1932–2007

Sigrún er fædd í Vestmannaeyjum 22. apríl 1932, dóttir Sigríðar Sölvadóttur og Jóngeirs Eyrbekk. Barnung flutti hún með móður sinni til Siglufjarðar og ólst þar upp framundir fermingu. Eftir það fluttu þær mæðgur til Dalvíkur, er móðir hennar hóf sambúð við Stefán Gunnlaugsson á Reykjum.
Sigrún var í barnaskóla á Siglufirði, unglingaskóla á Dalvík og einn vetur í Húsmæðraskólanum að Laugalandi í Eyjafirði, en fór síðan til Reykjavíkur, þar sem hún kynntist verðandi eiginmanni sínum Stefáni Stefánssyni, sem var við nám í   MEIRA ↲

Sigrún er fædd í Vestmannaeyjum 22. apríl 1932, dóttir Sigríðar Sölvadóttur og Jóngeirs Eyrbekk. Barnung flutti hún með móður sinni til Siglufjarðar og ólst þar upp framundir fermingu. Eftir það fluttu þær mæðgur til Dalvíkur, er móðir hennar hóf sambúð við Stefán Gunnlaugsson á Reykjum.
Sigrún var í barnaskóla á Siglufirði, unglingaskóla á Dalvík og einn vetur í Húsmæðraskólanum að Laugalandi í Eyjafirði, en fór síðan til Reykjavíkur, þar sem hún kynntist verðandi eiginmanni sínum Stefáni Stefánssyni, sem var við nám í Stýrimannaskólanum.
Þau gengu í hjónaband 1952, börnin urðu sex sem komust á legg. Það var því stórt heimili sem Sigrún stýrði sem sjómannskona! Sigrún vann þó í fiskvinnslu og síld á fyrri árum og um tíma á símstöðinni á Dalvík, en aðallega sinnt húsmóðurstörfum mestan hluta ævinnar.
Hún starfaði með Kvenfélaginu Vöku frá unga aldri og einni Slysavarnardeild kvenna á Dalvík.
Sigrún var lífsglöð kona, hjartahlý, viðkvæm, fróð og víðlesin. Henni var margt til lista lagt, saumaði, málaði myndir, orti ljóð, skrifaði mikið og velti gjarnan fyrir sér heimspekilegum málefnum. Hún var mikið fyrir að fara út í náttúruna, tíndi steina í fjörunni og grös upp til fjalla, sem hún notaði í te eða græðandi smyrsl.
Sigrún og Stefán voru alla sína búskapartíð á Dalvík og lengst af á Goðabrautinni.

   ↑ MINNA