Vikhent eða vikhenda (stuðlavilla)

Kennistrengur: 3l:[o]-x[x]:5,4,3:AoA

Bragmynd:

Lýsing: Vikhent er ungur háttur og orti Sigurður Breiðfjörð (1798–1846) fyrst rímu undir honum en til er gömul vísa í þjóðsögum af Sæmundi fróða þar sem vísa vikhend kemur fyrir. Vikhenda er þriggja línu háttur eins og stuðlafall og virðist frá því runnin. Fyrsta braglína er fimmkvæð, óstýfð. Önnur braglína er fjórkvæð og stýfð og sú þriðja þríkvæð og óstýfð. Algengast er að endarím sé milli fyrstu og þriðju línu en önnur lína rími ekki. Önnur lína er stýfð – hinar óstýfðar.
Eins og í stuðlafalli verður fyrri stuðull fyrstu línu að standa í fyrstu eða annari kveðju og hinn síðari í þriðju kveðju. Þeir mega ekki standa aftar.