Úrkast – óbreytt

Kennistrengur: 4l:[o]-x[x]:4,2,4,2:ABAB

Bragmynd:

Lýsing: Úrkast er ferhendur háttur og hefur fjórar kveður í frumlínum en aðeins tvær í síðlínum og eru síðlínur alltaf óstýfðar. Tvær gerðir eru af úrkasti eftir því hvort frumlínur eru óstýfðar eða stýfðar.
Oft eru frumlínurnar í hættinum stýfðar og þá yfirleitt forliður á undan annarri og fjórðu línu. Kallast það frumstýft. Þrátt fyrir mismunandi endarím er hefð fyrir því að afbrigðið skipti ekki háttum þannig að vísur með stýfðum og óstýfðum standa í frjálsri dreifingu í mörgum rímum. Um frumstýfingu segir Síra Helgi Sigurðsson: „En finnist ekki nema 7 atkvæði í 1. og 3. vísuorð, eins og stundum á sér stað, fylgir ávallt viðauka-atkvæði, er sezt framan við hið næsta, styttra vísuorðið.“
Óbreyttur er hátturinn víxlrímaður og án innríms.
Úrkast er nokkuð gamall háttur, líklega frá 15. öld. Ekki virðist hafa verið gerður munur úrkasts og dverghendu í eldri rímum.