Gagaraljóð – gagaravilla – víxlhend – hendingasneidd

Kennistrengur: 4l:[o]-x[x]:4,4,4,4:abab

Innrím: 1B,2B,3B,4B;1D,2D,3D,4D;1B,3B;2B,4B

Bragmynd:

Lýsing: Gagaraljóð – gagaravilla – víxlhend – hendingasneidd er eins og gagaravilla óbreytt auk þess sem aðalhendingar eru þversetis í annarri kveðu hverrar línu. Ríma þær á víxl þannig að önnur kveða fyrstu línu gerir aðalhendingu við aðra kveðu þriðju línu og önnur kveða annarrar línu gerir aðalhendingu við aðra kveðu fjórðu línu. Þá gerir önnur kveða frumlína sniðhendingu við aðra kveðu síðlína. Loks mynda frumlínur sniðrím við síðlínur í endarími.
Undir þessum hætti kvað Kolbeinn Grímsson Jöklaraskáld (um 1600 – um 1683) tuttugustu og fyrstu rímu af Sveini Múkssyni.