Einar Þórðarson frá Skeljabrekku 1877–1963

Einar var sonur Þórðar Bergþórssonar og konu hans, Guðrúnar Guðmundsdóttur, á Innri-Skeljabrekku í Andakíl og þar var hann bóndi frá 1905–1926. Einar var tvíkvæntur. Fyrri kona hans var Guðrún Jónsdóttir, ættuð úr Skorradal. Hún dó árið 1908. Seinni kona hans hét Ragnheiður Jónsdóttir frá Björk í Grímsnesi. Einar flutti til Reykjavíkur árið 1926 og vann um langt skeið sem afgreiðslumaður á bensínstöð BP. Einar var hestamaður mikill. Á efri árum safnaði hann og skráði lausavísur og kveðlinga. (Sjá einkum Borgfirzkar æviskrár II, bls. 188)