Vanga strýkur blærinn blíður

Háskólastúdentar, sem voru í sumarvinnu í Kaldaðarnesi, gengu á laugardagkvöldi upp að Litlu-Sandvík. Þar var verið að ljúka hirðingu og hjálpuðu þeir til við að koma heyinu í hlöðuna. Að því loknu vildu þeir halda kaupakonunum gleði í hlöðunni, en Lýður bóndi skipaði stúlkunum inn og sneru þá stúdentarnir vonsviknir til baka.

Í Kaldaðarnesi var um tíma rekið vinnuhæli fyrir áfengissjúklinga.