Aldamótin 2000-2001

Syngjum er ljúfust lækkar sól
lofsöngvum henni svörum.
Svífur hún burt sem okkur ól
öldin sem er á förum.
Ný veri góð
næstu kynslóð,
-minnki mengunarvaldar.
Biðjum þess nú,
bjartsýn í trú,
síðasta árið aldar.

Syngjum er hækkar himnaglóð,
heilsar þá öldin nýja.
Örara rennur æskublóð,
aldar mun verkin knýja
Gamla var góð,
-geymum í sjóð
minningamyndir valdar.
Hana við klökk
kveðjum með þökk,
nýrrar við upphaf aldar.